Skip to main content

Auala Pisi i Feoa‘iga Auala Pisi i Feoa‘iga

E manatu tagata lautele e ao ona toatele tagata e faaaogā uila i auala uila ua saunia i Puketāpapa/Mt Roskill, e lē gata o le a maua ai le faamalositino ae malupuipuia foi. E mafai ona ausia se nofoaga saogalemu mo le faaaogaina o uila e ala i le galulue faatasi o le Council, Kāinga Ora faapea ma a‘oga o lenei pitonu‘u.

Puketāpapa: He Taunga Paihikara – Auala Saogalemu mo Uila

Ua faigofie le faaaogaina o uila i Puketāpapa ona o le fesoasoani a le He Taunga Paihikara, o le polōketi ua faaigoaina o le Cycle Heaven (Auala Saogalemu mo Uila). E malupuipuia ai fanau ma saogalemu pe a feoa‘i i a latou uila.

Faamatalaga

O lenei auala uila na saunia e le polokalame o le Global Hope i le 2019, ua iloa ane ai le manaomia ona toe faatelē atu le auala. Ua toatele tagata e nonofo i lenei pitonuu ona o le tele o fale ua fausiaina ma fuafuaina e fau ai aemaise lava e le Kāinga Ora. O lona uiga o le tele o avanoa e faaaoga ai e tagata uila, o le faaitiitia ai foi lea o le aofai o taavale i luga o le auala, faaitiitia le kasa o taavale, maua le faamalositino, le soifua mālōlōina ma le manuia o tagata.

O loo iai tonu lava le Roskill Bike Kitchen (Nofoaga e Faaleleia ma Faaauiluma ai le Faaaoga o Uila), i Wesley ma Roskill i Saute, o lea o le a faaauau ona maua le fesoasoani e tagata lautele ma faigofie ai ona maua e tagata uila. O le a matou galulue vavalalata ma a‘oga e 10 e faamalamalama i tamaiti e faaaoga a latou uila e ō ai ma toe foi mai le a‘oga i auala uila ua saunia ae lē o le auala tele.

E tusa ai o se lipoti a le Fit For Growth, o le faanaunauga o tagata lautele ia iai ni: “Nofoaga malupuipuia mo fanau e ola a‘e ai ma taaalo. Ua faailoa mai e tamaiti e latou te fiafia e taaalo ma a latou uo ma aiga i ni nofoaga e saogalemu ma lē totogia. E feiloai tamaiti i o latou lava vaipanoa o loo iai, poo ni paka o loo lata ane, malae taalo poo malae a aoga. E mananao matua e faamautinoa o malupuipuia a latou fanau ma o loo taaalo i se mea o loo lata ane. O le manatu autū o le faatupulaia o taavale i luga o auala.”

Lagolagosua mai le lotoifale

Faatasi ai ma le fesoasoani mai o vaega o tagata lautele faapea a‘oga, ua galulue soosootauau Auala o Femalagaaiga i Aukilani ma le Puketāpapa Local Board (Komiti a Puketāpapa) e faataunuuina lenei fuafuaga. Ua ausia e le Puketāpapa Cycle Haven (Polokalame o Auala Saogalemu mo Uila) sini autu o le Puketāpapa Local Board Plan (Fuafuaga a le Komiti a Puketāpapa) o le 2020-2023:

  • Ia iai nisi fuafuaga mo femalagaaiga e faaitiitia ai le polusione, e pei o le faimalaga faatasi i se taavale se tasi, faaitiitia malaga, auala o femalagaaiga i le lautele, savavali ma faaaoga uila
  • Ia galulue mo le saogalemu o uila ma ia a‘oa‘oina

Faatatau i le polokalame

O le Cycle Haven e iai i lalo o le polokalame o le Ngā Tiriti Ngangahau poo le Vibrant Streets. Ua iai se fuafuaga fou mo le uluai tolu tausaga o le Te Tāruke-ā-Tāwhiri e faatupeina ai e le Auckland Transport le aofaiga e $3 miliona: Auckland Council’s 10-year climate action package (Fuafuaga a le Pulega a Aukilani i le 10 tausaga e faaleleia le tau).

E aofia i le polokalame ni polōketi se fitu i Aukilani atoa, o le faamoemoe ia faaitiitia kasa o taavale e ala i le faaaoga o isi auala e feoa‘i ai (e pei o le tietie uila po o le savavali) ma galuega tetele o fai. Na tatalaina atu le avanoa e lenei polokalame i komiti lava o loo iai, Auckland Council (Pulega a Aukilani) ma le Council Controlled Organisations (CCOs) (Faalapotopotoga o loo i lalo o le Pulega a Aukilani). Na tuu atu foi le avanoa i le Mana Whenua e faaauala atu i le pulega a le Auckalnd Transport (Auala o Femalagaaiga i Aukilani).

O talosaga na talia e fua i le ausia o sini autū Muamua ma le Lona Lua ua faataatitia o le polokalame.

Sini autū muamua

  • Faaitiitia kasa o taavale ma faaleleia le ea i tua mai o le taulaga e ala i le savavali pe faaaogā uila e fiafia tagata e faaaogā.
  • Ia auai atu i vaega o loo naunau e faaaoga auala e feoa‘i ai ina ia faia ai ni galuega mo nei vaipanoa o loo tele le sao o faia e komiti ma le lagolagosua a tagata lautele.

Sini autū lona lua

  • Ia faaleleia galuega e vave ona faatinoina ma e lē taugata tele e faaitiitia ai le tau (e.g. e aofia ai polōketi o loo faatupeina i lalo o le Regional Land Transport Plan).
  • Ia galulue ma Maori ma faataua lo latou sao e pei o le faaleleia o a latou meafai, faaitiitia le kasa kaponi i marae, a‘oga, kohanga, galuega ma auaunaga.